بە شانازییەوە ڕاپۆرتی بەرەوپێشچوونی مانگی ئایاری ٢٠٢٦ بۆ پڕۆژەی ڤانگارد لە کەمپی دۆمیز لە عێراق بڵاودەکەینەوە! بە پاڵپشتی وەزارەتی دەرەوەی دانیمارک و ڕێکخراوی (DCA)، هەردوو ڕێکخراوی مایل (MILE) و جودی (Judy) بەردەوامن لە کارکردنی هاوبەش و شانبەشانی یەکتر، لەپێناو بنیاتنانی کۆمەڵگەیەکی سەلامەتتر و خۆڕاگرتر
لەم مانگەدا، تیمەکانمان و باڵیۆزە دڵسۆزەکانی سەلامەتی و ژینگە، توانیان خزمەت بە ٣٩٦ سوودمەند بگەیەنن لە ڕێگەی ١٤ دانیشتنی هۆشیارکردنەوە دەربارەی گۆڕانی کەشوهەوا و پەروەردەی هۆشیاری لە مەترسییەکانی تەقەمەنی (EORE) . هەروەها ڕووپێوییەکی بنەڕەتیی هاوبەشمان لەگەڵ ٢٠٨ دانیشتووی کەمپەکەدا ئەنجامدا، کە تێیدا دەرکەوت ڕێژەیەکی بەرزی بەشداربووان (٩٠٪) خواستیان لەسەر بەردەوامیی پەروەردەی سەلامەتی هەیە، لەگەڵ (٧٢٪) ئارەزوومەندی بۆ دەستپێشخەرییە ژینگەییەکان.
سوپاسێکی زۆر بۆ بەخشەران، هاوبەشان، و باڵیۆزە ناوخۆییەکانمان، کە هۆکاربوون بۆ دروستکردنی ئەم کاریگەرییە گرنگە و بەرچاوە لە مەیدانی کارکردندا!
